Tula

PAGLISAN
Sa aking paglisan,
Dala-dala ko ang ala-ala ng kahapon.
Masakit man ang mga pangyayari,
alam kong ito ay pagsubok lamang.
Malungkot man ang buhay minsan,
ito ay mga pangyayari lamang.

Sa aking paglisan,
masaya ako na ikaw aking nakilala.
Ikaw ay magiging parte ng aking alaala,
na dadalhin ko sa aking paganda.
Ngunit kung ikaw ay babalik,
wag mo sana akong lisanin.






UMAGANG KAY GANDA
Tik tilaok sabi ng manok,
Pot-pot busina ng tindero ng pandesal,
Ting-ting sabi ng alarm clock.
Muta sa ating mga mata,
Panis na laway sa ating bibig.
Anak gising na! Sabi ni Nanay.
Oh! Umaga na pala,
Panibagong simula,
ng ating buhay na pagkaganda.






ESTUDYANTE
Aral doon, aral dito.
Basa doon, basa dito.
Kopya doon, kopya dito.
Mga mata'y ikot ng ikot.

Bagyo dito, bagyo don.
Walang pasok, walang pasok.
Ngiti doon, ngiti dito
kasi walang pasok.

Estudyante noon, estudyante pa rin ngayon.
Istayl mo ay baguhin,
ng maabot mo ang iyong mithiin.
Haay buhay estudyante.






LUHA
Aking puso'y lumuluha,
ng dahil sa iyong alaala.
Ako'y iyong sinaktan,
Ako pa ay iyong kinalumutan.
Bawat patak ng aking luha,
ay dahil sa iyong ginawa.
Balang araw ito ay lilipas rin.
Dahil ito'y aking tatanggapin.






BUHAY
Masayang mabuhay sa mundong ibabaw,
Puno ng saya ang bawat araw.
Ating pamilya at kaibigan ating sandalan,
Sa bawat lungkot at sayang dmaraan.

Salamat sa'yo aking pamilya,
Buhay at pagkatao ko'y iyong pinasaya.
Salamat sa'yo aking kaibigan,
Dala mo lagi'y kuwentuhan at harutan.